នាយករដ្ឋមន្ត្រីប្រកាសផ្ដល់ថវិកាប្រមាណ៥ម៉ឺនដុល្លារដល់ខេត្តដែលគ្មានគ្រោះថ្នាក់ចរាចរណ៍ក្នុងអំឡុងពិធីបុណ្យចូលឆ្នាំ
ភ្នំពេញ៖ នាយករដ្ឋមន្ត្រី សម្ដេចធិបតី ហ៊ុន ម៉ាណែត បានប្រកាសក្នុងកិច្ចប្រជុំពេញអង្គគណៈរដ្ឋមន្រ្តី ព្រឹកថ្ងៃសុក្រ ទី២៦ ខែមេសា ឆ្នាំ២០២៤នេះ ដោយផ្ដល់ថវិកាចំនួន ២០០លានរៀល (ប្រមាណ៥ម៉ឺនដុល្លារ) និងភេសជ្ជៈ១ពាន់កេសទៅដល់ខេត្តដែលគ្មានគ្រោះថ្នាកចរចរណ៍ក្នុងអំឡុងពិធីបុណ្យចូលឆ្នាំខ្មែរកន្លងទៅ។
ខេត្តចំនួន៦ ដែលគ្មានគ្រោះថ្នាក់ចរាចរណ៍ ហើយទទួលបានការកោតសរសើរពីនាយករដ្ឋមន្ត្រី រួមមានខេត្តត្បូងឃ្មុំ ព្រៃវែង កោះកុង ប៉ៃលិន កំពង់ឆ្នាំង និងខេត្តមណ្ឌលគិរី។
របាយការណ៍របស់អគ្គស្នងការដ្ឋានគរបាលជាតិឱ្យដឹងថាក្នុងរយៈពេល៤ថ្ងៃនៃពិធីបុណ្យចូលឆ្នាំខ្មែរពីថ្ងៃទី១៣ ដល់ថ្ងៃទី១៦ ខែមេសា មានគ្រោះថ្នាក់ចរាចរណ៍កើតឡើងទូទាំងប្រទេសចំនួន៦៤ករណី ដែលបណ្ដាលឱ្យមនុស្ស៣៧នាក់ស្លាប់ និង៨៨នាក់រងរបួស៕
